News

Гандан Хажид Хийдийн Эдийн Бумбаны Тахилга (Yangdrup Puja)

9/28/2017

Жич: Бумбаны тахилганы хандив нь Синссинати мужид байригдаж буй шинэ хийдийн бүтээн босголтон зориулагдаж байгаа болно.

Бурхан шашинтан бид эрт дээр үеэс үгүйрэл хоосролыг арилгахын тулд бумбыг тахин шүтэж сүм хийд, орон гэр, албан байгууллагадаа бүтээлгэж залдаг байсан уламжлалтай. 
лгэрэнгүй дүрийн бумбаны тахилга байдаг. Бумбыг бүтээлгэн тахиснаар үгүйрэл хоосролын зовлонг арилгах, өвчин зовлонгүй нас буян арвин байх, цог золбоо хийморь лундаа өөдрөг байх, эд эдлэл идээ ундаа арвин байх, ялангуяа энэ хойтын хотол чуулган бүхэн шамдалгүй аяндаа бүтэх ач тустай юм. 

Бумбыг бүтээж уншиж байгаа лам нь ариун сахилт лам байх ба ёс журмын дагуу бумбыг бүтээж уншлага ном үйлдэх ёстой байдаг. Тэгж байж тэр бумба нь ном ёсны дагуу бүтээгдэж ариун нандин шүтээн болж сүм хийд, орон гэрт залагдах учиртай юм. 

Бумбыг бүтээхдээ дээдэс лам нарын адисласан нандин шүтээн, алт, мөнгө, шүр, сувд, номин, оюу, байгалийн болор, си чулуу, дун зэрэг үнэт чулуунууд, олон төрлийн үр тарианууд, олон төрлийн эмийн ургамлууд, Өлзий буянт хааны ордон, сүм хийд болон онцгой дагшин газруудын шороо, чулуу, ус зэрэг олдохуйяа бэрх нандин шүтээнүүдийг бумбандаа залдаг учиртай. 

Бумбаа бурхныхаа хажууд юмуу өндөр, цэвэр, хөдөлгөөнгүй газар залах хэрэгтэй. Чадвал бумбандаа тусгай хайрцаг хийлгээд дотор нь балин тахил идээ будаа тавиад маш хүндэтгэлтэй бумбаа байрлуулах хэрэгтэй. Жилдээ нэг удаа бумбаа тахиулахдаа тахил балин идээ будааг нь шинээр сольж тавин буцаагаад хааж лацаддаг уламжлалтай.

Гандан Хажид Хийд
2150 E. Dolan Rd.
Bloomington, IN 47408